رسالة قوية من رامي جمال لمرضى البهاق.. اللي يبص على لون جلدك قبل لون قلبك ميتعاشرش

وفاء الباهي14 نوفمبر 2019آخر تحديث : منذ سنة واحدة
رسالة قوية من رامي جمال لمرضى البهاق.. اللي يبص على لون جلدك قبل لون قلبك ميتعاشرش

وجه النجم رامي جمال رسالة قوية لمرضى “البهاق” يوضح من خلالها أنهم متميزون وليسوا مرضى أو بهم شئ مختلف عن الناس.

وقال رامي من خلال حسابه على موقع فيسبوك: “البهاق تعالو كل يوم نعرف حد حاجة عن الموضوع ده، أولا ده مش معدي وده بيبقي نقص في الخلايا الصبغية وده مرض مناعي، لو اترفضت في شغل بسببه ابعتلي ونعرف الناس اسم المكان اللي مفيهوش إنسانية، لو أنتِ أو أنت اترفضتم من اللي هتتجوزوه بسببه، أنتم الكسبانين”.

وأضاف: “اللي يبص على لون جلدك قبل لون قلبك إنسان فاضي ميتعاشرش، لو في مدرسه وأصحابك مش فاهمين ده إيه متزعلش إحنا نعرفهم، المدرسين يعرفوهم، وأكيد هيقدروا إن ربنا ميزنا، البهاق مش مرض، البهاق ترجمة توتر وقلق وضغط”.

لماذا رامي جمال محظوظ

وتابع: “ياريت كل الناس اللي عندها يبقى عندها الحظ اللي شفته منكم والدعم اللي شفته منكم من ساعة ما كتبت والتلفزيون مبيتكلمش غير عليه، نجوم الحلقات دكاترة جلدية مشكورين عرضوا علاجي، وأنا بقولكم كتير أولى مني بالعلاج المجاني، وشايف ناس بدأت حملات توعية، آه متأخرين بس كويس إنهم بدأوا، أنا مش هسكت وهعمل أغاني وحملات توعية عنه، ومش هسكت إلا لما يبقى البهاق من علامات الجمال، أنتوا طمعتوني بالتحضر والرقي اللي شفته وبقت مسؤولية إني أنجح وابقي صوت لكل اللي اتميزوا بيه، وادعمهم واشوف فرحتهم زي ما فرحتوني”.

رابط مختصر

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *