بعد الهجوم عليها بسبب الشعراوي.. أسما شريف منير لمنتقديها اللي بيكرهني يمشي

وفاء الباهي14 نوفمبر 2019آخر تحديث : منذ سنة واحدة
بعد الهجوم عليها بسبب الشعراوي.. أسما شريف منير لمنتقديها اللي بيكرهني يمشي

انزعجت أسما ابنة الفنان شريف منير من الهجوم الحاد عليها من قبل متابعيها عبر تطبيق انستجرام، وذلك بعد أزمة هجومها على الشيخ الراحل محمد متولي الشعراوي، ما جعلها تخرج عن صمتها.

وكتبت أسما وقالت: “مش عاجبك و بتكرهني اعملوا ان فولو، و لا هو لازقه و خلاص.. لا بحبه ولا اقدر علي بعده .. اللي بيكرهني يمشي وميضيقش نفسه، ولا اقولكم خليكم الواحد محتاج حسنات .. انا حتي مش همسح الكومنتس البشعه بتاعتكم”.

اعتذار أسما

وكانت أسما اثارت الجدل بتصريحاتها حول تصريحاتها عن الشيخ الشعراوي ووصفته بالمتطرف، ولكنها قدمت اعتذارت وقالت: “أنا بعتذر جدًا جدًا عشان لم أستطع أن أحسن التعبير واختيار الكلمات الصحيحة، وده يمكن عشان لسه بتعلم وده عن عدم إدراك، أنا لسه بتكلم على طبيعتي زي أول يوم قررت إني أظهر على السوشيال ميديا، بس دلوقتي لازم أخد بالي من كل كلمة بقولها عشان كل حاجة بتتحسب عليا وده جديد عليا، و كل مافي الموضوع إني كنت بدور عن مرجع ديني ودروس دينية عشان أفهم بشكل مبسط”.

مضيفة: “الشيخ الشعراوي أعمق من قدراتي لأني في حاجات فعلًا مفهمتهاش، وأنا مبتدئة بحاول أتعلم وأقرب أكتر من ربنا، وعموما أنا بعتذر فعلًا عن ذلة لساني وكلمتي.. وحقيقي أكن للشيخ الشعراوي كل احترام وتقدير رحمه الله وجزاه كل خير، وربنا عالم نيتي إيه”.

ووضحت أسما بعد ذلك وقالت: “حصل بيني وبين شخص حوار أسأت فيه التعبير عن اللي عايزه أقوله وحساه، اتفهم كلامي على إني بنتقد فضيلة الشيخ متولي الشعراوي، أنا بتكلم من غير ما بحسب كلامي وأنا مقصدش بأي حال من الأحوال إني أغلط أو يوصل كلامي بشكل غلط كده، أنا مش بقيم فضيلة الإمام، أنا عموما عمري ما أحب أغلط في حد”.

رابط مختصر

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *