أمير طعيمة لـ رامي جمال.. انت زي القمر وقيمتك عندنا غالية

وفاء الباهي11 نوفمبر 2019آخر تحديث : منذ 11 شهر
أمير طعيمة لـ رامي جمال.. انت زي القمر وقيمتك عندنا غالية

حرص الشاعر أمير طعيمة على دعم صديقه الفنان رامي جمال بعدما أعلن إصابته بمرض البهاق من خلال رسالة مؤثرة بموقع التواصل الاجتماعي فيسبوك.

وكتب طعيمة وقال: “هو أنا معترض علي حاجات كتير في البوست ده لاني بقابلك و شايف انك بتحلو و زي القمر و مش بتوقف خالص عند موضوع البهاق ده، واذا كان لفت نظر حد اول مرة ففي المرة الثانية محدش بياخد باله اصلا”.

واضاف: “بس الاهم من ده كله يا رامي انك فنان و بتحترم جمهورك كملحن و كمطرب، يعني مش عارضة أزياء عشان تفكر في الاعتزال و الكلام الفاضي ده،كبر دماغك يا صاحبي، انت اكبر و اهم عندنا كلنا من ده بكتير”.

بوست رامي جمال

وقد أعلن رامي صباح اليوم على إنستجرام بإصابته وقال: “الحمد لله الذي أحبني فابتلاني وأقدرنى على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايده.. ورضيت وسلمت أمري لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدي أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت فى كلامهم بصراحة.. لقيت إن عندى حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو”.

رابط مختصر

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *