رسالة تامر حسني لـ رامي جمال.. انت فنان محبوب جداً وخليك زي مايكل جاكسون

وفاء الباهي11 نوفمبر 2019آخر تحديث : منذ سنة واحدة
رسالة تامر حسني لـ رامي جمال.. انت فنان محبوب جداً وخليك زي مايكل جاكسون

كتب نجم الجيل تامر حسني رسالة خاصة للفنان رامي جمال عبر حسابه بموقع التواصل الاجتماعي “انستجرام”، بعدما كشف الأخير عن إصابته بمرض البهاق ورغبته في الاعتزال بسبب.

ونشر حسني صورة تجمعه برامي جمال وعلق عليها قائلا: “إلى الفنان الكبير والصديق الحقيقي والمحترم رامي جمال، يا حبيبي أنت فنان كبير ومحبوب وليك قيمتك وكل الناس بتحبك ومفيش حاجه هتعطلك عن نجاحك، وتعبك دا لاهو مؤذي ولا مُعدي وكل الناس جواها تعب في منه اللي ظاهر وفي منه اللي مش ظاهر حتى لو كان تعب نفسي أو مادي كل شخص جواه وجع من حاجه معينه”.

وأضاف: “المهم أننا نبص ونتعلم من اللي ظروفهم أصعب مننا ورغم كدا عندهم صبر وبينجحوا في الاختبار وبيقولوا الحمدلله ومكملين وعندهم إراده وبينجحوا أكتر من الأول لازم تكمل نجاح يا رامي وشيل أي هلاوس من دماغك وإوعى تخبي نفسك اللي بيحبك بيحبك لشخصك وفنك صدقني دي حاجه عاديه يا رامي والله ملهاش أي تأثير لا عليك ولا على جمهورك”.

تامر حسني يدعم رامي جمال

وتابع: “بالعكس بقى أنت أكيد شايف الناس كلها طيبين أزاي و نفسهم يفرحوك وبعدين إفتكر إن مايكل چاكسون جاله نفس اللي جالك وبقى أسطوره مبتتكررش خااااالص وانت فنان وعارف …أنا واثق إنك مؤمن وبتحمد ربنا وهتقوم وهتكمل وهفكرك قدام كل الناس اللي شايفه كلامي إنك هتنجح أكتر وأكتر وربنا هيكرمك أجمل كرم و هتشوف قريب بحبك”.

رابط مختصر

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *